SEVGI HAQIDA SHERLAR ONLAYN ОНЛАЙН

Go'zal uzbek qiziga,
O'rangan oy yuziga,
Quvonch to'lib ko'ziga,
Onalik nasib qilsin.

Borib yorning uyiga,
Yarashib yor bo'yiga,
Yetib beshik to'yiga,
Onalik nasib qilsin.

Tunlari bedor bo'lib,
Yorini baxtga ko'mib,
Uyi nurlarga to'lib,
Onalik nasib qilsin.

Vaqtini o'zing bilib,
Lek qo'yma kechiktirib,
Tunda allalar aytib,
Onalik nasib qilsin.

Opa-Singil bariga,
Shifo bergin dardiga,
Yetib ona qadriga,
Onalik nasib qilsin!!!

Ayolga baxt bering, saodat bering,
Demang yuribdi-ku kulib, jilmayib.
Ayol kulib turib o'lishi mumkin
Dunyoni olishi mumkin jilmayib.

Ayolga baxt bering, saodat bering
Gar ko'zlari kulib tursada,
Bo'g'zining ostida necha ming hasrat
Oy yuzlari kulib tursada.

Ko'nglini ko'taring hech bo'lmaganda
Qo'lini silashga sharofat toping.
Yig'lab turganida hech bo'lmaganda,
Yoshini artishga muruvvat toping.

Nogoh yerga tushsa oppoq ro'moli,
Bosib o'tmaslikka shafoat toping.
Ayolga baxt bering , saodat bering
Tog' qimirlab, toshlar so'zga kirsada,
Ayolga baxt bering, saodat bering
Oltmishga kirsada, yuzga kirsada!

Onangizni qo'llarini o’pib qo’ying,
O’sha qo’llar tebratganku beshigingiz.
Bolam kelsa kutmasin-deb onaizor,
Ostonada poylab turgan eshigingiz.

Sizning sarmast xayolingiz ketgan balkim,
Chaman aro ochilgan bir go’zal gulga.
Mehringizni berdingizmi, tongga qadar,
Yo’lingizni poylab chiqqan munis dilga.

Bu g'animat kunlar esa o’taverar,
Ostonada mangu qolmas sarg'ayib dil.
Boshingizni silagan bu qo’llar uchun,
Imkon topib uzating siz, bir dona gul!

Otam
Ey umrim javhari davlatim Otam
Dillari quyoshdur mehribon Otam
Sizga izdoshdurman abadul-abad
Shul sabab ko'nglim shod g'rurim Otam
Bu dunyo sinovli yolg'onchi dunyo
O'tgaydur umrlar misoli daryo
Do'st degan ulfatim bo'lsada ammo
Bo'lolmas siz kabi dartkashim Otam
Sizning-la bordurman ichra keng jahon
Shukrumni e'shitsin ul buyuk Rahmon
Qalbingiz og'ritib bo'libman nodon
Doimo kechirgan rahimli Otam
Bog' ichra gurkirar chamanzor ravon
Tinmagay har nafas mehnatkash bog'bon
Mehnat ila ayladiz siz meni inson
Siz mening qo'li gul bog'bonim Otam
Bilsangiz yurarman osmonda doyim
Siz borsiz omondur ko'kdagi boshim
Shubha yuq aytarman har yerda so'zim
Tog' kabi sarviqor osmonim Otam
Joningizga jon bo'lolmas afsus bu jonim
Bo'lsa e'di berardim sizga bor umrim
Insho Olloh ko'rgaysiz gullagan bog'im
Nuri ila yoritgan jahonim Otam !!!
Qurbon