18:55 Киз бокканни гунохи нима ? | |
Бўйга етиб қолди деб қизим,
Оналарни босар вахима. Сеп йигишар туғилганидан, Қиз боққаннинг гунохи нима? Эшик қоқиб келар совчилар, Хаммасида ваъдалар бир хил. Бермасангиз бўлмас қизингиз, Ўз қизимдек бўпколган ахир. ҳали қизим ёшдир қудажон, ҳали тўйга тайёр эмасмиз. Насиб қилса сепин буд қилиб, Келаси йил баҳор берармиз. Аммо бунга кўнмас қудалар, Бизлар ахир тушунган одам. Бизга факат қизингиз керак, Бахтли бўлса бўлгани болам. Тўй ҳам бўлар икки томонда, Бошланади жанжаллар секин. Магзарлари бунчалар оз деб, Хўрланади уч кунлик келин. Унутишиб берган ваъдасин, Совчиликка борган аёллар. Элдан аввал ноғора қоқиб, Ғийбатларин ўзлари бошлар. Қирқи чикмай ота кўрдиси, Чақирдиси бўлсин дейдилар. Бошқалардан ўғлим кам эмас, Битта мошин берсин дейдилар. Қайдан қилар қиз томон буни, Хар кун қарзга ботиб боради. Тунлар йиғлаб ота-онаси, Бир-бирига дардин ёради. Бўлиб ўтар қарз ила бари, Ота кўрди, чақирдиси хам. Уйин сотиб берса-да мошин, Чиқиб қолар яна битта кам. Қиз дунёга келса отанинг, Дерлар хамма кулиб давлати. Лекин ўша қиз сабаб бугун, Ерга эгик ота савлати. Нима бўлди сизга одамлар, Бир мато деб урушмок нима? Ўн саккиз йил силаб-сийпалаб, Қиз боққаннинг гунохи нима? Ахир сизнинг қизингиз бордир, Қайтар дунё нега сезмайсиз. Келинга не қилсангиз бир кун, Қизингиздан қайтар билмайсиз? Эсингизни йиғинг одамлар, Кўнгилларга етказманг озор. Бахтли бўлсин ўғил, қизингиз, Бойликни деб урушманг бекор. Қиз, аёллар ҳар хонадоннинг, Дейдилар-ку саришталари. Биздан ранжиб кетиб қолмасин, Хонадоннинг фаришталари. | |
|
| |
| Всего комментариев: 0 | |