18:53 Mexribonlik uyida.. | |
Юзсиз, бадбахт она дастидан,
Зор йиғлади ҳаёт бешиги. Тақиллади ярим кечада Меҳрибонлик уйин эшиги. Ичкаридан сўрашди ким деб, Ҳеч ким жавоб бермади, бироқ... Бироқ эшик олдида йиғлаб Ётар эди мурғак чақалоқ. Ахир ит ҳам ўз боласининг Юзларидан ўпар эркалаб. Оқ сут бериб ўстиради-ку, Юнгларини меҳр-ла ялаб. Беюз, бадбахт она дастидан, Зор қақшади ҳаёт бешиги. Чақалоққа очди бағрини Меҳрибонлик уйин эшиги. У фарзанди энди шу уйнинг, Бу уйда у янги, кенжатой. Тунлар унинг бошини силаб, Йиғлаб-йиғлаб алла айтар ой. Чақалоқнинг дардли ингаси Ҳатто ойнинг жонини сиқди. Менга эса алам қилгани Унинг тили "она” деб чиқди. | |
|
| |
| Всего комментариев: 0 | |